بەڕێوەبەرایەتی بەڕێوەبردن و وەڵامدانەوەی قەیرانەكان
بەڕێوبەرایەتی وەڵامدانەوە و بەڕێوەبردنی قەیرانەكان هەوڵی دروستكردنی هەماهەنگی و كاری هاوبەش دەدات لە نێوان وەزارەتە پەیوەندیدارەكانی حكومەتی هەرێمی كوردستان و فەرمانگەكان و كۆمەڵگای نێودەوڵەتی و رێكخراوە ناحكومیەكان بۆ جێبەجێكردنی ستراتیژی و پلانی هاوبەش بۆ بەڕێوەبردن و وەڵامدانەوە و چارەسەركردنی قەیرانەكان. بەرێوەبەرایەتیەكە پێكدێت لەم بەشانەی خوارەوە:
- بەشی هەڵسەنگاندن و شیكاری
- بەشی پەیوەندی و هەماهەنگی
- بەشی ئامادەكاری و وەڵامدانەوەی خێرا
- بەشی ڕاپۆرتكردن
- بەشی پلاندانان
- بەشی چاوەدێری و جێبەجێكردن
ئەم بەڕێوبەرایەتیە هەڵدەستێ بە ئامادەكردنی زانیاری پوخت لەسەر چاڵاكیەكانی وەڵامدانەوەی قەیرانە بەردەوامەكان و ئاسانكاری دەكات بۆ داڕشتنی پلانێكی ستراتیژی بە هاوبەشی لەگەڵ وەزارەت و فەرمانگەكانی حكومەت و حكومەتەكان و لایەنە كۆمەك بەخشە نێودەوڵەتیەكان. بەڕێوبەرایەتیەكە ڕێڕەوێكی ئاڵوگۆڕی زانیاری ڕەسمی دروستدەكات لەنێوان ناوەند و لایەنەكانی هەماهەنگی نێودەوڵەتی و هەڵدەستێ بە ئەنجامدانی ئەركی هەماهەنگی سەربازی-مەدەنی لە هەركاتێك كە پێویست بكات. بەڕێوەبەرایەتیەكە ئەم بەرپرسیاریەتیانەی هەیە:
- دڵنیابوون لە بوونی پوختەیەكی زانیاری كرداری هاوبەش و كۆدەنگ
- ئەرك پێدان و گواستنەوەی بڕیارەكان و فرمانە كارگێڕییەكان و كردنیان بە ئەرك
- ئامادەكردنی پوختە و دیدارەكان و زانیاری بۆ بڕیاردان و بڵاوكردنەوەی ناوخۆیی لە ناوەندەكە لەوانەش ڕاستكردنەوە و نوێكردنەوەی زانیارییە پیشاندراوەكان
- هەڵدەستێ بە ئامادەكردنی زانیاری پوخت لەسەر چاڵاكیەكانی وەڵامدانەوەی قەیرانە بەردەوامەكان و ئاسانكاری دەكات لەپێناو داڕشتنی پلانێكی ستراتیجی بە هاوبەشی لەگەڵ لایەنە كۆمەك بەخشە نێودەوڵەتیەكان.
- دەستنیشانكردنی كارە پێشینەكان بۆ تەرخانكردنی سەرچاوە بۆیان، ئاڕاستەكردنی لایەنە كۆمەك بەخشەكان بۆ پێویسترین بوار، بەدواداچوونی پێشوەچوونەكان و گۆڕانكاریكردن لە وەڵامەكان بە گوێرەی پێویست.
- ئامادەكردنی پوختەی زانیاری لەسەر ئۆپراسیۆنە بەردەوامەكان.
- هەماهەنگی كردنی هەڵسانگاندنی ڕۆڵە ڕێكخراوییەكانی نەتەوەیی و نێودەوڵەتی و سەرچاوەكان و تواناكان و لایەنە بەهێزە جیاوازەكانیان.
- دەستنیشانكردنی كەموكورتیەكان و كارە دووبارەبووەكان و بەربەستەكان.
- چاودێریكردن و ئاسانكاری كاری هەماهەنگی ئاژانسە نێوخۆییەكان.
- ئاسانكاری كردنی پەیوەندی لەنێوان لایەنە كۆمەك بەخشەكان و لایەنە هاوچەشنەكانی نەتەوەیی.
- چاودێریكردن و هەڵسەنگاندنی ڕادەی چاڵاكی و كارایی و كاریگەری كارەكان.
