لە 27 تشرینی دووەم، ناوەندی هاوبەشی هەماهەنگی قەیرانەكان (JCC) نووسینگەی نەتەوە یەكگرتووەكان بۆ هەماهەنگی كاروباری مرۆیی (OCHA) كۆبوونەوەیەكی هابەشیان ڕێكخست لە نێوان فەرمانگە پەیوەندارەكانی حكومەتی هەرێمی كوردستان و كەرتەكانی نەتەوە یەكگرتووەكان بۆ گفتوگۆكردن و ڕاوێژكردن دەربارەی كارە مرۆییە لە پێشينەكان و كەم و كورتییەكان و پێداویستییەكان و سیناریۆكانی پلانی وەڵامدانەوەی مرۆیی (HRP) ساڵى 2018.
بەرێز هۆشنگ محمد، بەڕێوبەری گشتی ناوەندی هاوبەشی هەماهەنگی قەیرانەكان، سوپاسی تیمی OCHAی كرد بۆ هەماهەنگی و هاوكاری لەگەڵ ناوەند. دواتر پوختەیەكی لەسەر سیناریۆ پێشبینی كراوەكان لە ساڵی 2018 پێشكەشكرد و گووتی كە چاوەڕوان ناكرێت ژمارەیەكی زۆری خەڵك ئاورەبن یاخود بگەڕێنەوە بۆ ناوچە ڕزگاركراوەكان بەهۆی ئەو ڕووداوە هەنووكەییانەی ناوچە ئازادكراوەكان و بەپێچەوانەوە چاوەڕێ دەكرێت ڕەوشەكە لە ناڕوونی بمێنێتەوە بەهۆی كاری توندوتیژی و تیرۆرستی سەرەڕای تێكشكانی داعش لە ڕووی سەربازی. هەروەها ڕایگەیاند كە بەهۆی قەیرانی دارایی لە هەرێمی كوردستان و عێراق زۆر پێویستە یارمەتییە مرۆییە داراییەكانی نێودەوڵەتی بۆ پشتگیری كردنی ئاوارەكان بەردەوامی هەبێت. هەروەها تیشكی خستە سەر پێویستی هاوكاری بەردەوام و درێژخایەنی كۆمەڵگای نێودەوڵەتی بۆ قوناغی دوای داعش بۆ پشتگیری كردنی هەوڵەكانی حكومەتی هەرێمی كوردستان بۆ بەردەوامی پێشكەشكردنی هاوكاری مرۆیی بۆ ئاوارەكانی لە هەرێمی كوردستان داڵدەدراون تاوەكو و ڕەوشێكی لەبار بۆیان دەڕەخسێت بۆ ئەوەی بە بگەڕێنەوە بۆ ناوچەكانی خۆیان.
بەرێز ڕێنێ نیجێنهویەس، سەرۆكێ OCHA بە وەكالەت، سوپاس ناوندی هاوبەشی هەماهەنگی قەیرانەكان و نوێنەرەكانی تری حكومەتی كرد بۆ ئەنجامدانی كۆبوونەوەكە و پووختەیەكی لەسەر پلانی وەڵامدانەوەی مرۆیی پێشكەشكرد كە تێیدا ئاماژەی دا بە سیناریۆ پێشبینی كراوەكان و سێكتەرە لە پێشینەكان و ئەو هاوڵاتییانەی وا بڕیارە وەك بەشێك لە پلانی مرۆیی 2018 یارمەتی بدرێن.
دواتر نوێنەرانی فەرمانگە پەیوەندیدارەكی حكومەت پوختەیەكیان پێشكەشكرد دەربارەی پلان و پرۆژە و كارە لە پێشینەییەكان و پێداویستییەكان و كەم و كورتییەكان كرد لە ساڵی 2018 بۆ یارمەتیدانی ئاوارەكان و خەڵكی كۆمەڵگای خانەخوێ لە سەكتەرە گرنگەكان. پاشان نوێنەرانی كەرتەكانی نەتەوە یەكگرتووەكان هەرەیەكەو پووختەیەكی پێشكەشكرد دەربارەی كارە لەپێشینە دیاریكراوەكان و ئەو خەڵكەی دەتوانرێت یارمەتییان پێشكەش بكرێت لە ساڵی 2018. دوای گفتوگۆ و ڕاوێژكاری كۆبوونەوەكە بە چەند پێشنیارێك كۆتایی هات بە جەخت كردنەوە لەسەر هەماهەنگی و ڕاوێژكاری پێویستە بەردەوامی هەبێت لەنێوان حكومەت و ئاژانسەكانی نەتەوە یەكگرتووەكان و كەرتەكانیان.
كۆبوونەوەكە بە بەشداری بەڕێز فەتحی مودەریس ڕاوێژكار لە وەزارەتی بازرگانی و د. عارف حیتۆ بەرێوبەری گشتی لە وەزارەتی كار و كاروباری كۆمەڵایەتی و د. خالد ساڵح بەڕێوبەری گشتی لە وەزارەتی تەندروستی و نوێنەرانی وەزارەتەكانی شارەوانی و پەروەردە و فه‌رمانگه‌ى په‌يوه‌نديه‌كانى ده‌ره‌وه و بەڕێوبەرانی نووسینگەكانی وەڵامدانەوەی قەیرانەكان لە پارێزگاكانی هەولێر و دهۆك و سلێمانی و ناوەندی هاوبەشی هەماهەنگی قەیرانەكان و كەرتەكانی نەتەوە یەكگرتووەكان كە پێكهاتبوون لە تەندروستی خواردن و پەروەردە و تەندروستی و لۆجستیك و پەیوەندییەكان و هەماهەنگی و بەڕێوەبردنی كەمپەكان و پاكوخاوێنى و نشینگە وكەلوپەلی ناخۆراكی و پاراستن و گروپی كاری پارەی كاش.
