ڕۆژی دووشەممە، 26ی ئاب 2019، بەڕێز هۆشەنگ محمد، بەرێوبەری گشتی ناوەندی هاوبەشی هەماهەنگی قەیرانەكان، پێشوازی كرد لە بەڕێز حوسێن بۆتانی بەڕێوبەری ڕێكخراوی قەندیلی سویدی لە هەرێمی كوردستان و عێراق و شاندێكی یاوەری.
بەڕێز هۆشەنگ بەخێرهاتنی شاندی میوانی كرد و ڕۆڵی ڕێكخراوی قەندیلی لە یارمەتیدانی ئاوارە و پەنابەران و كۆمەڵگای خانەخوێ بەرز نرخاند هەروەها ئامادەیی ناوەندی دەربڕی بۆ پێشكەشكردنی ئاسانكاری زیاتر بۆ كارەكانی ڕێكخراوەكە.
لە كۆبوونەوەكە هەردوولا باسیان لە ڕەوشی مرۆیی و ئاستەنگەكانی بەردەم ڕێكخراوە مرۆییەكان و گەڕانەوەی ئاوارەكان كرا. هەروەها زیادكردنی هەماهەنگی و هاوكاری نێوان ناوەند و رێكخراوی قەندیل باسی لێوە كرا.
شاندی میوان سوپاسی ناوەندیان كرد بۆ هەماهەنگی و هاوكاری بەردەوامیان لە ڕابردوو و ئامادەیی خۆشیان پیشاندا بۆ هەماهەنگی زیاتر و ئەنجامدانی كار و پڕۆژەی هاوبەش لە داهاتوودا. هەروەها نامەیەكی سوپاسگوزارییان پێشكەش بە ناوەند كرد بۆ هاوكاری و هەماهەنگی بەردەوامی بۆ ڕێكخراوە مرۆییەكان هەر لە سەرەتای دروستبوونی قەیرانی مرۆیی تاوەكو ئێستا.
