ڕۆژی چوارشەممە 20ی تشرینی دووەم، 2019، كۆتایی بە خولێكی 21 ڕۆژی هات كە لەلایەن ئاژانسی فیدراڵی بۆ هاوكاری تەكنیكی ئەڵمانیا (THW) بۆ تيمى وه‌ڵامدانه‌وه‌ى خێراى ناوەندی هاوبەشی هەماهەنگی قەیرانەكان له پارێزگاى هه‌ولێر كه پێكهاتووه له 20 ئه‌ندامى كارمەندی حكومی و ڕێكخراو و خۆبەخش.
مەبەست لەم خولە دروستكردنی تیمێكی وەڵامدانەوەی خێرایە لە ناوەندی هاوبەشی هەماهەنگی قەیرانەكان لە وەزارەتی ناوخۆ بۆ وەڵامدانەوەی قەیران و كارەسات لە هەرێمی كوردستان.
مەریوان حەسەن، بەرێوبەری وەڵامدانەوەی قەیرانەكان لە ناوەند ڕایگەیاند کە تیمی وەڵامدانەوەی خێرا لەكاتی ڕوودانی هەر كارەساتێكی سروشتیی یان خود قەیرانێكی مرۆیی هاوكاریی تیمەكانی تری حكومەتی هەرێمی كوردستان دەبێت بۆ ڕزگاكردنی ژیانی هاوڵاتیان.
لە ماوەیەكی نزیك تیمی وەڵامدانەوەی خێرا لە پارێزگاكانی سلێمانی و دهۆك دادەمەزرێت.
THW یەكێكە لە هاوبەشە سەرەكییەكانی ناوەند كە لە ماوەی ڕابردوو پشتگیری ناوەندی كردووە بە دابینكردنی پاڵپشتی تەكنیكی لە ڕووی كردنەوەی خولی ڕاهێنان بە كارمەندانی حكومەت و دابینكردنی ئامێر و كەلوپەل.
