ڕۆژی دووشەممە 6ی كانوونی دووام 2020، بەڕێز هۆشەنگ محمد بەرێوبەری گشتی ناوەندی هاوبەشی هەماهەنگی قەیرانەكان پێشوازی كرد لە شاندێكی ڕێكخراوی سویدۆ بە سەرۆكایەتی خاتوو كارینە ئیریكسۆن سەرۆكی ڕێكخراوەكە و بە یاوەری بەڕێز حوسێن بۆتانی بەڕێوبەری ڕێكخراوەكە لە هەرێمی كوردستان و عێراق.
بەرێوبەری گشتی ناوەند سوپاس و پێزانینی خۆی پێشكەش بە ڕێكخراوی سویدۆ كرد بۆ هەوڵی بەردەوامیان لە پشتگیری كردنی ئاوارەكانی ناوخۆ و پەنابەرانی سوریا و كۆمەڵگای خانەخوێ لە هەرێمی كوردستان و ڕۆڵەكەیانی بەرز نرخاند لە پاڵپشتی كردن لە هەوڵەكانی حكومەت بۆ بەڕێوەبردنی قەیرانی مرۆیی لە هەرێمی كوردستان.
بەڕێز هۆشەنگ محمد كورتەیەكی لەسەر ڕەوشی مرۆیی و پێداویستییە مرۆییەكان و بەردەوامی گەیشتنی پەنابەری سوریا بۆ هەرێمی كوردستان خستە ڕوو.
خاتوو كارینا ئیریكسۆن سەرۆكی ڕێكخراوی سویدۆ سوپاس و پێزانینی خۆی پێشكەشی ناوەند كرد بۆ هەماهەنگی و پاڵپشتی بەردەوامی و ڕایگەیاند ئەوان بەردەوام دەبن لە هاوڵدان بۆ دابینكردنی سەرچاوە و كۆمەكی زیاتر بۆ ئەوەی بتوانن پڕۆژەی زیاتری درێژ خایەن لە هەرێمی كوردستان جێبەجێ بكەن بۆ هاوكاریكردنی ئاوارە و پەنابەران.
بەڕێز حوسێن بۆتانی بەڕێوبەری ڕێكخراوەكە پێزانینی خۆی بۆ ئەو هاوكاری و هەماهەنگی بەهێزیان لەگەڵ ناوەند خستەڕوو و سوپاسی ناوەندی كرد بۆ هاوكاری و كارئاسانی بەردەوامیان.
لە كۆتاییدا بەڕێوبەری گشتی ناوەند سوپاسی شاندەكەی كرد و هیوای خواست ڕێكخراوی سویدۆ بەردەوام بێت لە جێبەجێكردنی پڕۆژەكانیان لە هەرێمی كوردستان و ئامادەیی ناوەندیشی ڕاگەیاند بۆ هەماهەنگی و پاڵپشتی زیاتر بۆ پڕۆژەكانی ڕێكخراوەكە.
