.jpg)
ڕۆژی دووشەممە 6ی ئاب 2018، بەڕێوبەری گشتی ناوەندی هاوبەشی هەماهەنگی قەیرانەكان (JCC) بەڕێز هۆشەنگ محمد پێشوازی كرد لە شاندێكی ئەڵمانی كە پێكهاتبوو لە بەرێز ثۆرستێن فرێی، ئەندامی پەڕلەمانی ئەڵمانیا و خاتوو باربرا وۆلف، كونسوڵی گشتی ئەڵمانیا لە هەولێر و خاتوو باربرا شوماخر، كونسولی كاروباری سیاسی و ئابووری و مرۆیی لە كونسوڵگەری گشتى ئەڵمانیا بۆ گفتوگۆكردن لەسەر ڕەوشی مرۆیی هەنووكەیی و ڕەوشی ئاوارە و پەنابەران و پێدانی یارمەتی مرۆیی.
بەڕێز هۆشەنگ بەخێرهاتنی شاندی مێوانی كرد و سوپاس و پێزانینی خۆشی پێشكەش بە حكومەت و خەڵكی ئەڵمانیا كرد بۆ بەردەوامی هاوكارییە مرۆییەكان و ئەو پشتیوانییەی بۆ ئاوارە و پەنابەران و كۆمەڵگای خانەخوێ لە هەرێمی كوردستان دابینكراوە هەروەها بۆ پشتیوانی تەكنیكی و بەرنامەكانی پەرەپێدانی تواناكان بۆ ناوەند و دام و دەزگاكانی تری حكومەتی هەرێمی كوردستان هەر لە سەرەتای بەرپابوونی قەیرانی مرۆیی لە ساڵی 2014. بەڕێز هۆشەنگ تیشكی خستەر ڕۆلێ ڕێكخراوەكانی THW و GIZ لە دابینكردنی هاوكاری تەكنیكی و پەرەپێدانی تواناكان بۆ JCC.
هەروەها پوختەیەكی پێشكەش كرد لەسەر بەربەست و كەم و كورتییەكان و پێداویستییە مرۆییەكان و ڕێگاكانی پەرەپێدانی هەماهەنگی و هاوكاری بۆ باشتر بەڕێوەبردنی قەیرانی هەنووكەیی و ڕێگری كردن لە قەیرانی نوێ.
ئامانجی شاندی وڵاتی ئەڵمانیا بۆ كوردستان بۆ بینینی ڕەوشی ئێستابوو بۆ ئەوەی به‌رنامه‌ى یارمەتییەكانیان بە گوێرەی ڕەوشەكە دابنێن. شاندەكە پشتگیری وڵاتی ئەڵمانیای دووپاتكردەوە و سوپاسی خۆشیان بۆ ڕۆڵی حكومەتی هەرێمی كوردستان و ناوەند دەبڕی.
ئەڵمانیا هەر لە سالی 2014 تاكو ئێستا بەردەوام بووە لە پشتیوانییەكانی بە دابینكردنی هاوكاری مرۆیی و دارایی و تەكنیكی ڕاستەوخۆ و ناڕاستەوخۆ بۆ ئاوارەكان و كۆمەڵگای خانەخوێ لە هەرێمی كوردستان. هەروەها ڕۆڵێكی كاریگەریان گێڕا لە پشتیوانی كردنی ئامادەكردنی دام و دەزگاكان، بەتایبەتی بەهێزكردنی توانایی ناوەند لە بەڕێوەبردنی قەیرانەكان.
